केशवसुत

संभ्रम ....... काय झालय काही कळत नाही पण वेळेचं गणित हल्ली काही जुळत नाही ..... ⌛ फार बिझी असतो म्हणावं तर तेही काही खरं नाही रिकामटेकडा म्हणावं तर तशी वस्तुस्थिती नाही हाताशी असलेलं काम वेळेत काही संपत नाही..... वेळेचं गणित ........ ⌛ मित्र भेटतात , गप्पा होतात जून्या आठवणींच्या खपल्या निघतात , धरतात तिचा पत्ता सापडला का ? त्याला माझी आठवण येत असेल का ? असल्या निरर्थक प्रश्नांची मालिका काही संपत नाही ... वेळेचं गणित ..... ⌛तासन् तास बसलं तरी नवीन काही सूचत नाही दिवसभराच्या रियाजानंतरही हवा तसा , सूर काही गवसत नाही प्रश्नामागून प्रश्न , अडचणींमागून अडचणी कितीही नेकीने प्रपंच केला तरी हाती काही उरत नाही ..... वेळेचं गणित ..... ⌛धान्याचं पेव , बँकेतली ठेव ऑनलाईनच्या व्यवहाराला हॅकर्सच भेव दहा दहा वेळा चिल्लर मोजूनही रुपयाचं गणित काही जुळत नाही वेळेच गणित ...... ⌛ आधी घर कि आधी कार असले प्रश्न म्हणजे तोंड दाबून बुक्क्यांचा मार हे झाले कि ते हवे ते आले कि ते हवे निम्मे आयुष्य सरले तरी हाव काही सुटत नाही ... वेळेचं गणित .... ⌛आई बाप, पोरं - पोरी भाऊ -बहिण , नाती सारी वर्षानुवर्ष एकत्र राहून मनं एकमेकांशी मिळत नाहीत वेळेचं गणित ..... ⌛ चांगला सिनेमा , चांगलं नाटक पेपरमधली जाहिरात पाहून आपण म्हणतो , चल उरक ठिकाण पाहताच मात्र गळून पडतो आवेश रिक्षा नाही मिळाली तर बसचा प्रवास काही सोसवत नाही ... वेळेचं गणित ..... ⌛ संध्याकाळ होते , दिवे लागतात कोपऱ्यातल्या देव्हाऱ्यातली निरांजने तेवतात ठिय्या मारुन , हात जोडून देवापूढे बसलं तरी रामरक्षा काही आठवत नाही वेळेचं गणित ..... ⌛ हजार कारणे शोधली तरी एक कारण कळत नाही आळस हाच खरा मोठा शत्रू हे कळतय पण वळत नाही उमेदीनं धावणाऱ्या मनाच्या पायातली शरीराची बेडी काही सुटत नाही वेळेचं गणित हल्ली काही जुळत नाही वेळेचं गणित हल्ली काही जुळत नाही